مصيــــر الوقت يثبت لكـ.. وفآآآي ويحرق أعصاابكـ...!

أبرحل عنك صدقني كرهت الحب بأسبابك
أبرحل ما حنيت الراس لك يا خاين العشره






أبرحل وأهجر ديارك وخلك في هوى أحبابك
أبرحل والغلا بيني وبينك منتهي عصره




أبرحل وأترك الماضي وبمسح صفحة كتابك
أبرحل عنك واسمعها أنا طلّقتك بعشره




تعبت أكذب الواقع وأصدّق كذبة إعجابك
لأني عاشق مخلص ملكني حبّك بسحره



تعبت أراعي شعورك وأغض الطرف بغيابك
غشيم وأحسبك وافي خدعت القلب بالنبره


رخصت الكل من شانك .. رضيت أتحمل عتابك
ولكن للأسف حبّي من أفعالك ذبل زهره



تحملتك على ظلمك وقلت الوقت يصفى بك
وأشوفك تلعب بذيلك وغدرك آه وش كبره



وفوق الغدر تتمسكن وتخفي سّم بأنيابك
وتظهر دمعتك تبغي تغش اللي رخص عمره


ولكن وفّر دموعك تراني خابر ألعابك
أنا ماني مثل غيري ضعيف النفس والقدره


محيت اسمك وشقّقت الرسايل وأنقفل بابك
ولا عاد المشاعر يحترك من شوقها شعره



كرهت أسلوبك الماكر كرهت أناظر أهدابك
وعفتك عقب ما بانت حقيقة قلبك وغدره



مصير الوقت يثبتلك وفاي ويحرق اعصابك
وتتحسف على مافات منك وتمتلي حسره



أقول إرحل فمان الله ولاني بحاسب حسابك
مدام الغدر في دمك توكل لا تجي بكره



توكل لملم شتاتك معاد الوقت يحلى بك
توكل لا تحسب إني بهل بغيبتك عبره



أبي تنسى حروف صغتها لك يوم تزهى بك
وأبي تنسى حبيب سال حبره دم في شعره


بعلّمك الوفا وشلون لين الغمّ ينتابك
وأجرعك العذاب أشكال دامك تبريت بالعشره