طريقة عمل الكوارع والفته و الممبار بالصور،اكله مصريه شعبيه

طريقة عمل الكوارع والفته و الممبار بالصور،اكله مصريه شعبيه



طريقة عمل الكوارع والفته و الممبار بالصور،اكله مصريه شعبيه، الكوارع والفته و الممبار

ده شكل الكوارع مقطعه ولسه مغسولة تغسل بدقيق وملح للاحتياط
توضع التوابل التاليه
2عود قرفه(دارسين)
ورق لورا
قرنفل(مسمار)
فلفل اسود
ملح
جنزبيل ناعم رشه خفيفه
بصله مقطعه اربعه




الطريقه



نضع الحله على نار بداخلها ماء الي الغليان وبعدين نضيف الكوارع اوالمقادم مع كل التوابل السابقه


تعالو نجهز الفته



انا يحمص الخبز البلدى المقطع مع ملعقه سمنه بلدى و2 فص ثوم مهروس تحمص اما على النار او فى الفرن



وبعدين تسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه



حتى يحمر الثوم وبعدين نضيف 2 ملعقه خل وبعده كده نضيف الطماطم المعصوره حوالى حبتين
حتى تتسبك
ناخد 2 ملعقه من الصلصه نضفها على الخبز المحمص ونقلبهاااااا وبعدين نضيف شوربه الكوااااارع



نغطيها ونتركها جانبا لمده بسيطه حتى يتشرب الخبز من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز


الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى



وده شكلها النهااائى يا رب تعجبكم



دلوقتى هنعمل الممبار او الفوراغ او الامعااااء
بعد الغسيل والكحت والنقع فى الملح والخل




الحشوه تختلف من شخص لاخر انا احب لما تكون الممبار ضانى ان يدخل فى الحشو لحمه مفرووووومه وقليل من الطماطم المقطعه مكعبات
انما فى الممبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توابل تفضليها على خلطه المحشى



(((كيلو نصف ممبار معها حوالى 3 كيلو ارز))




نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب
انا مش بربط الممبار لانه اول ما بينزل فى الماء بيقفل من الاطرااااف


طبعا ده جزء من الممبار




نضعه فى الماء المغلى مع اضافه الملح


نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير

نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى

وده من الدااااخل احمر وفى نفس الوقت طرى من الطماطم المقطعه والبصل

وبالهنا والشفا

منقول